Энэ спорт дэлхийн хамгийн их шагнал өндөртэй спортуудын нэг, 2 төрөл байдаг / зүлэгтэй ,зүлэггүй / Оросын холбооны улсын тамирчин Мария шарапова гэдэг эмэгтэйг, ганц 2 удаа тоглох гэж оролдосныг эс тооцвол өнөөдрийг хүртэл үнээс өөр мэдэх юм бараг байхгүй байлаа. Тоглолтын дүрэм журамыг бүр ч мэддэггүй байлаа. Энэ хотод OPEN DE CAEN Calvados Basse-Normandie манайхаар бүсийн нээлттэй тэмцээн зохиогдоно гэхээр нь үзэхээр болов. Билет нь аз таарч надад үнэгүй олдлоо. Манайхан үнэгүй юу гэдэг билээ дээ хэхэхэ. Ингээд урьд орой нь жаахан юм бэлдээд унтлаа. гГтэл нойр хүрдэггүй санаашраад. Би угийн ийм сонин зантай юм. Санаа зовохгүй юманд санаа зовож өөрийгөө дандаа зовоож байдагийн тэр л зангаараа шөнө 3 сэрэв. / 03, 05, 07/. тэмцээн 10 цагаас эхлэх цагийн хуваарьтай. Би уул нь өглөө 8,30 өрөөнөөсөө гарахаар төлөвлөсөн байсан юм. учир нь тэмцээн болох газрыг яг сайн мэдэхгүй газрын зургаар олох болохоор эрт гаръя гэж бодсон юм. Гэтэл шөнө нь сэрээд байсан хүн чинь өглөө 9д цагт сэрдэг байгаа. Гялс хувцаслаад гарлаа. Тэгтэл бүтэн сайн өдөр трам 30 минутын зайтай явдаг юм байна. Энд 7 сар болохдоо мэдээгүй юм байна хэхэхэ. Тэгээд алхлаа , ашгүй 3 буудал алхаж байтал трам ирлээ. Ингээд 11,00цагт нөгөө газраа ирлээ. Тэмцээн том зааланд болж байв. Нэг их ирээгүй байлаа. Эхлээд учрыг нь олох гэж ойр орчныг сайн ажиглалаа. Талбай дээр 2 тоглогч, 1шүүгч, 6 бөмбөг зөөгч байдаг юм байна. Миний сонирхолыг тоглолтоос гадна бөмбөг зөөгч хүүхдүүд мөн завсарлагааны үеэр талбай цэвэрлэгч нар их татаж байлаа. Тэр хэдийг харах надад их сонирхолтой санагдсан. Их дэг журамтай, хурдан шуурхай үүргээ маш сайн гүйцэтгэж байсан. 4 буланд нэг нэг хүүхэд зогсож, сээтэгний хажуу талд 2 нь сууж байрлана. Тоглолж буй хүнтэйгээ ярихгүйгээр бөмбөгөө өгч авалцана, хоорондоо ойлголцох үйлдлүүдтэй юм билээ. Тоглолт 3 үетэй хэн эхэлж 2 хожино тэр нь ялна. Тэмцээн сонирхолтой сайхан болж өнгөрсөн. Тэмцээн том зааланд намрын сэрүүн цагт болсон болохоор хүйтэн байсан. нуулгүй хэлэхэд жаахан даарсан ч мэдсэн зүйл ихтэй буцсан. Сайхан сонирхолтой спорт байна лээ. Дараа бүр томчуудын тоглохыг нь үзэх юмсан.